Lëvizja BESA: Banka Botërore dëshmon për realitetin e hidhur ekonomik të Maqedonisë

Pas qëndrimit të Bankës Botërorë për Maqedoninë, Lëvizja besa ka dalur me reagim.

Rritja ekonomike në Maqedoni pritet të ngadalësohet dhe të arrijë në nivelin prej 2 përqind, në ndikim të rënies së investimeve. “Pasiguria politike në Maqedoni ndikoi në investimet, e cila e çoi vendin në rritje të reduktuar dhe në kundërshtim me trendin rajonal”, thuhet në raportin e Bankës Botërore.

Sipas Lëvizjes Besa, këtë klimë të ekonomisë tashmë na e përdëfton edhe Banka Botërore në raportet që dalin nga ky institucion.

“Në të vërtetë, ne si Lëvizje BESA kemi paralajmëruar për rreziqet e shpejta të huamarrjes që i merr kjo qeveri, si dhe për rritjen e borxhit publik, që këtë vit do ta tejkalojë edhe 53%-shin, ndërsa kjo e ka ndihmuar edhe për uljen e investimeve të huaja dhe rritjen e deficitit buxhetor, që vijnë si pasojë e ngufatjes ekonomike dhe sociale në vend dhe si rezultat i keqmenaxhimit qeverisës të kësaj qeverie”, thuhet në reagimin e partisë.

Lëvizja BESA, me anë të Platformës Ekonomike, kanë paraparë që të shpejtohet zgjidhja e krizës politike, me çka do të ofrojmë zgjidhje për reduktimin e deficitit buxhetor, uljen e borxhit publik, si dhe koordinimin dhe kontrollin mbi huamarrjet që ato të menaxhohen për investime kapitale me rezultat të krijimit të inputeve dhe reforma strukturore të sektorëve ekonomikë./Portalb