Evropa të krijojë ushtri? Ja reagimi i Britanisë për këtë
Sekretari britanik i Mbrojtjes, Michael Fallon deklaroi se Britania e Madhe kundërshton planin e Bashkimit Evropian (BE) për formimin e ushtrisë së BE-së apo çfarëdo selie tjetër ushtarake, raporton Anadolu Agency (AA).
“Ne do të refuzojmë çfarëdo ideje për formimin e ushtrisë së BE-së. NATO doemos duhet të mbetet themeli i mbrojtjes sonë”, tha Fallon.
I pyetur nëse Britania e Madhe në këtë rast ka vendosur veto, Fallon theksoi se “nuk ekziston shumica për formimin e ushtrisë së BE-së”.
Pasi Britania e Madhe vendosi të braktisë Unionin, zyrtarët e Francës dhe Gjermanisë disa herë theksuan mundësinë e “përforcimit të bashkëpunimit mbrojtës evropian”.