Një qytetare e Prilepit ka mashtruar dy persona duke ju premtuar bileta të lira të aeroplanit
Një qytetare nga Prilepi i ka mashtruar dy persona nga fshati Lazhan i Strugës duke ju premtuar bileta të lira kthyese nga SHBAja për në Maqedoni me ç’rast ka përvetësuar 779 mijë denarë, njofton MIA.
Policia sot njoftoi se kundër 29vjeçares J.Ç. është ngritur padi penale për shkak të dyshimit për vepër të kryer penale “mashtrim”. Ajo personit me inicialet D.N. nga Ohri i ka siguruar bileta vetëm në një drejtim, ndërsa personi me inicialet L.A. nga Lazhani aspak nuk i ka marrë biletat e premtuara të aeroplanit.
Gjatë muajit mars të këtij viti, D.N., i cili momentalisht jeton në SHBA, në llogarinë e J.Ç. ka paguar gjithsej 4.140 dollarë amerikanë për blerjen e pesë biletave kthyese në relacionin Çikago Vjenë Shkup, ndërsa L.A. pasi ka relaizuar kontakt me të paditurën janë dakorduar të blejë 12 bileta kthyese për aeroplan nga SHBA-ja drejt Maqedonisë. Pas një kohe të caktuar nga takimi dhe marrëveshja e bërë, L.A. në llogarinë e J.Ç. ka paguar 283.200 denarë, por nuk i ka marrë 12 biletat kthyese.