Prishtinë, kërkohet largimi Grabovcit edhe nga posti i deputetit
Ashtu siç ishte njoftuar, “#PROTESTOJ”, sot në orën 10.30, ka filluar protestën kundër skandalit që doli nga përgjimet e publikuara në të cilat protagonist është Adem Grabovci.
Protesta është mbajtur para Prokurorisë Speciale në Prishtinë, raporton Koha.net.
Qytetarët, me parulla e me brohoritje, kanë kërkuar dorëheqjen e Grabovcit edhe nga posti i deputetit.
Ata kanë thënë se Adem Grabovci gjatë paraqitjes së tij në prokurori për intervistim është tallur me prokurorinë.
Protestuesit kanë kërkuar përgjegjësi edhe për eprorët e tij partiakë e shtetërorë.
