Nitaj: Hero i kundërshtimit të demarkacionit është Ramush Haradinaj
Zëdhënësi i Aleancës për Ardhmërinë e Kosovës e ka quajtur “hero” të kundërshtimit të demarkacionit, liderin e tij Ramush Haradinaj.
Ai ka thënë se ajo që ka ndodhur në Kuvend është votë kundër demarkacionit, transmeton Koha.net.
Më poshtë mund ta shihni prononcimin e plotë të Nitajt:
Ajo që ndodhi sot në Kuvendin e Kosovës është votë kundër dhe jo tërheqje e kryeministrit për kurrfarë rrethanash. E sotmja në Kuvend, është rezultat i një pune të mundimshme njëvjeçare, politike e qytetare, e një vetëdijesimi të elitave shkencore e intelektuale dhe e shumicës së deputetëve por edhe e një qëndrimi krejt abuzues të liderëve të tanishëm shtetëror.
Nëse duhet veçuar, individualisht dike, atëherë heroi i këtij kundërshtimi, është Ramush Haradinaj!
Krejt çfarë mund të ndodhë pas ditës së sotme në lidhje me këtë version të demarkacionit, mund të jetë vetëm fabrikim i një rezultati të paqenë.