Zaev i shkruan ASHMAA: Ndryshoni tekstin e metodologjisë pasi po shkelni ligjin
Kreu i LSDM-së, Zoran Zaev ka dërguar letër deri te Agjencia për Shërbime Mediatike Audio dhe Audiovizuale, ku kërkon të ndryshohet propozim-teksti i metodologjisë për monitorimin e informimit të mediumeve përmes serviseve radio dhe televizive gjatë kohës së zgjedhjeve, njoftojnë nga kjo parti.
Siç thuhet në njoftim, Zaev ka shtuar se dispozita për vërtetimin e baraspeshës gjatë informimit, sipas marrëveshjes mes katër partive për ndryshimin e Kodit zgjedhor, fillon të vlej 100 ditë para ditës së mbajtjes së zgjedhjeve dhe kjo duhet zbatuar në mënyrë përkatëse çdokund në metodologji, pa u ndarë periudhat nga ana e Agjencisë.
