Komunikacioni pa pengesa, në vendkalimet kufitare pritje deri në 20 minuta
Në vendkalimet kufitare sot janë të mundshme pritje prej rreth 20 minutave për hyrje dhe dalje nga vendi, informon Lidhja Auto Moto e Maqedonisë.
Sipas informatave të LAMM, intensiteti i komunikacionit jashtë mjediseve urbane është rritur. Në të gjitha rrugët shtetërore komunikacioni zhvillohet pa ndalesa kryesisht nëpër rrugë të thata.
Qarkorja e Shkupit, e cila u dëmtua nga stuhia, është lëshuar për komunikacion në të dy drejtimet, por ka pjesë të rrugës që janë dëmtuar dhe ku janë vendosur shenja të komunikacionit për rregullimin e shpejtësisë së lëvizjes së automjeteve.
