Podujevë: Kapen duke prerë dru, arrestohen 4 persona
Dje në Majac të Podujevës katër persona janë arrestuar pasiqë janë kapur duke prerë dru, si dhe njërit prej tyre i është konfiskuar një revole
Policia ka njoftuar se dje rreth orës 15:00 në fshatin Majac të Podujevës ka ndaluar katër të dyshuar meshkuj K/Shqiptarë.
Në njoftimin e policisë bëhet e ditur se arrestimi ka ndodhur pasiqë tek njëri prej të dyshuarve, të cilët ishin duke prerë dru në pyll i është gjetur dhe konfiskuar një pistoletë e tipit TT.
”Drurët e prerë së bashku me traktor janë konfiskuar, ndërsa me urdhër të prokurorit pas intervistimit të dyshuarit janë liruar dhe rasti shkon në procedurë të rregullt”, thuhet në raportin e policisë.
