Zemërohen përkrahësit e Erdoganit pse nuk u lejua fjalimi i tij në Gjermani

Zëdhënësi i Presidencës së Republikës së Turqisë, Ibrahim Kalin, mos lejimin e fjalimit të presidentit Recep Tayyip Erdoğan para turmës përmes një video lidhjeje në tubimin e mbështetjes për Turqinë në Këln të Gjermanisë, e ka vlerësuar si një akt në kundërshtim me demokracinë, shprehjen e lirë dhe lirinë e tubimit, raporton Anadolu Agency (AA)

“Problemet në lidhje me masat e sigurisë që ishin bërë gjatë përgatitjes së tubimit, morën një dimension të ri me vendimin e Gjykatës Kushtetuese të Gjermanisë në lidhje me parandalimin e fjalimit. Tubimi në mbështetje të demokracisë, lirisë dhe shtetit të së drejtës është dashur të mbështetet dhe të përshëndetet dhe jo të ndalohet që është në kundërshtim me bazat e demokracisë, lirisë së shprehjes dhe lirisë së tubimit”, tha Kalin.