Erdogan sulmon gjeneralin e SHBA-ve: Dije vendin tënd!
Presidenti i Turqisë ka sulmuar gjeneralin e përgjithshëm amerikan Joseph Votel, duke e akuzuar atë se po mban anën e “komplotistëve”
Kreu i Komandës Qendrore të SHBA-së, Gen Votel , tha se burgosja e disa udhëheqësve ushtarakë mund të dëmtojë bashkëpunimin ushtarak turko –amerikan, shkruan BBC.
Presidenti Rexhep Tajip Erdogan tha se Gen Votel duhet të falënderoj Turqinë për sigurimin e demokracisë.
“18.000 persona janë arrestuar deri më tani”, tha ministri i brendshëm i Turqisë.
“Ne sigurisht që kemi pasur marrëdhënie me shumë prej udhëheqësve turq apo udhëheqësve ushtarakë në veçanti, unë jam i shqetësuar për atë se çfarë ndikimi do të ketë në marrëdhëniet tona në të ardhmen”, tha Gen Votel.
Presidenti Erdogan, dënoi komentet duke thënë se “nuk varet nga ju marrja e atij vendimi. Kush jeni ju? Dije vendin tënd! Ti po e merr anën e komplotistëve në vend të falënderimit të këtij shteti për mundjen e grusht-shtetit të dështuar”.
