Konfirmohet bashkëpunimi i ngushtë Kosovë – SHBA
Zëvendëskryeministri i parë i Republikës së Kosovës, Hajredin Kuçi, priti shefin e Zyrës Politike dhe Ekonomike në Ambasadën Amerikane në Kosovë, Steve Banks, njofton kumtesa nga Kryeministria, transmeton Koha.net.
Gjatë takimit, zëvendëskryeministri Kuçi dhe z. Banks, diskutuan për zhvillimet aktuale në Kosovë, për bashkëpunimin dhe përkrahjen e mëtejme të SHBA-ve për Kosovën.
Zëvendëskryeministri Kuçi, e njoftoi për, siç thotë kumtesa, progresin e arritur, në proceset eurointegruese, për punët që po bëhen për rritjen e zhvillimit ekonomik dhe fuqizimin e shtetit ligjor.
Në këtë takim, zëvendëskryeministri Kuçi dhe shefi i Zyrës Politike dhe Ekonomike, Banks, konfirmuan vazhdimin e bashkëpunimit të ngushtë në mes të Ambasadës Amerikane dhe Qeverisë së Republikës së Kosovës në fushat e interesit të përbashkët, posaçërisht në fushën e sundimit të ligjit, thuhet në fund të kumtesës.
