Siri, bombardimet e regjimit vrasin 20 persona
Në sulmet ajrore të avionëve luftarakë të regjimit sirian në rajonin Kalamun i cili ndodhet në verilindje të kryeqytetit Damask humbën jetën 20 civilë ndërsa 40 të tjerë u plagosën, raporton Anadolu Agency (AA).
Sipas informacioneve të marra nga zyrtarët e mbrojtjes civile, avionët luftarakë të ushtrisë kanë kryer 45 sulme ajrore ndaj qarkut Ceyrud në rajonin Kalamun i cili kontrollohet nga forcat opozitare siriane.
Sipas vlerësimeve të para në bombardime u vranë 20 civilë në mesin e të cilëve ka edhe fëmijë dhe gra, ndërsa janë plagosur 40 të tjerë. Theksohet se të plagosurit janë dërguar në spitale.
Anëtari i Komitetit koordinues lokal në rajonin Guta Lindore të Damaskut, Yusuf el-Bustani, bëri të ditur se në sulme ka humbur jetën edhe shefi shëndetësor i qarkut.
”Spitalet dhe qendrat shëndetësore në qark janë mbushur me të plagosur nga sulmet ajroer të forcave të Asad-it. Deri më tani janë identifikuar 20 persona. Numri i vërtetë është shumë më i madh se 20″, tha ai.
Duke potencuar se ekipet shëndetësore kanë nevojë për furnizimet emergjente mjekësore, Bustani tha se ndihet i shqetësuar nga rritja e numrit të vdekurve.
