Merkel: BE-ja është mjaft e fuqishme që ti rezistojë Brexit

Kancelarja gjermane Angela Merkel është shprehur se Bashkimi Evropian (BE) është mjaft i fuqishëm që të gjejë përgjigjet e duhura për votën britanike për braktisjen e Unionit, raporton Anadolu Agency (AA).

Merkel të premten theksoi se Gjermania ka “interes të veçantë” dhe “përgjegjësi të veçantë” në trashëgiminë e unitetit evropian. Ajo ftoi Donald Tusk, presidentin e Këshillit të Bashkimit Evropian, presidentin francez François Hollande dhe kryeministrin e Italisë Matteo Renzi, në takim në Berlin të hënën para mbajtjes së Samitit të BE-së.

Merkel para mediave në Berlin u shpreh se nuk duhet marrë “konstatime të shpejta dhe të njëanëshme” për referendumin, i cili do të krijonte ndasi të mëtejshme.

Ajo shprehu keqardhje të madhe për shkak të vendimit britanik që të braktisë BE-në dhe shtoi se blloku doemos duhet të ketë qëllim që në të ardhmen të vendos raport të ngushtë me Britaninë e Madhe.

Ajo më tej theksoi se Britania edhe më tej është anëtare e BE-së me “të gjitha të drejtat dhe obligimet” nga të dyja palët derisa negociatat për dalje nuk përfundojnë.