Deputetët pasdite do të votojnë për propozimin për impiçment të Ivanovit
Në Kuvendin e Maqedonisë pasdite duhet të votohet për Propozimin për ngritje të procedurës për konfirmimin e përgjegjësisë së presidentit Gjorge Ivanov, të parashtruar nga opozita, prejse do të përfundojnë me replika edhe nëntë deputetë të paraqitur.
Në suaza të seancës së 105-të, e cila zgjat veçmë pesë ditë, deputetët diskutuan për përgjegjësinë e Ivanovit për vendimin për abolim dhe për tërheqje të mëvonshme.
Deputetët e LSDM-së dhe BDI-së konsiderojnë se presidenti duhet të bart përgjegjësi për falje dhe duhet të revokohet, derisa sërish deputetët e VMRO-DPMNE-së vlerësuan se iniciativa e opozitës është e pabazë.
Stefan Bogoev nga LSDM-ja u bëri thirrje deputetëve të votojnë për përgjegjësi të Ivanovit, sepse, ashtu siç tha Maqedonisë i duhet president me të cilin do të krenohemi dhe i cili do t’i mbrojë Kushtetutën dhe ligjet… Paraprakisht, Komisioni kuvendor për vlerësim të justifikueshmërisë për ngritje të përgjegjësisë të presidentit e vlerësoi Propozimin si të pabazë.
Që të kalojë në seancën plenare Propozimin duhet ta përkrahin 82 deputetë, ndërsa derisa Kuvendi e voton Propozimin për impiçment të presidentit do të duhet të marrë vendim edhe Gjykata Kushtetuese e RM-së.