Netët e Kulturës Islame dhe Mbrëmjet Kuranore – freskia e Ramazanit në Kumanovë e Tetovë
Edhe sivjet, Forumi Rinor Islam organizoi Mbrëmjet Kuranore me lexues të shquar si dhe Netët e Kulturës Islame me program të larmishëm kulturor.
Në qytetin e Kumanovës, Netët e Kulturës Islame filluan me iftarin e madh që u mbajt në qendër të qytetit. Natën e dytë, u mbajt Mbrëmja Kuranore kurse natën e tretë u mbajt ligjëratë me hoxhën Halil Avduli, mysafir nga Kosova.
Njëherit, për tri net radhazi u realizuan edhe aktivitete të ndryshme kulturore dhe artistike, si: kuizi për filloristë, fjalime motivuese, ekspozita e pikturave, shfaqja e filmit “Hakmarrja dhe Islami” si dhe u bë shitja e librave dhe ëmbelsirave.
Në qytetin e Tetovës u organizua poashtu Mbrëmja Kuranore. Lexues në këtë mbrëmje ishin hafizlerë të shquar nga Maqedonia dhe Kosova, si: Flamur Kasami, Armend Beqiri dhe Ajdin Aliji. Mbrëmja u mbajt në qendër të qytetit. Në Tetovë u organizua edhe Mbrëmja Islame, program vetëm për femra, që përfshiu lexim të Kuranit. interpretim monologu dhe ilahish.