Lëvizja BESA: E dënojmë sulmin e sigurimit të Gruevskit në TV21

“Pas informacionit se persona të sigurimit të kryetarit të partisë në pushtet, Nikolla Gruevski, aleatit të BDI-së, kanë hyrë dhunshëm në zyrat e TV21 dhe kanë marrë dhunshëm materiale nga gazetarë të këtij televizioni, Lëvizja BESA edhe një herë ngre alarmin se pushteti i Maqedonisë është bërë i rrezikshëm seriozisht”, reagon Lëvizja Besa.

Ata shtojnë se edhe më parë qendra ndërkombëtare të mbrojtjes së lirisë së mendimit dhe të fjalës së lirë kanë tërhequr vërejtjen se jemi në gjendje serioze të kufizimit të fjalës së lirë, kjo që ndodhi me TV21 është dëshmi se ky pushtet nuk lexon më asnjë mesazh dhe se është verbuar plotësisht nga pasioni për pushtet.

“Përveç kësaj, kërkojmë të ndëshkohen ata që ndërhyjnë dhunshëm në media dhe, në këtë rast, kërkojmë edhe nga bashkësia ndërkombëtare që t’i merr nën mbrojtje gazetarët, sepse ata vërtet janë të rrezikuar seriozisht nga pushtet”, shtojnë nga Lëvizja Besa.