Erion Veliaj si Nevzat Bejta: Jam 24 karat!
“Nuk kam asnjë ambicie përvec se të drejtoj Tiranën. Edi po bën një punë fantastike si kryeministër.”- është ky komenti i Erjon Veliajt ndaj pyetjes së gazetarit Çim Peka nëse është ai pasardhësi i Edi Ramës në PS.
Por më pas Veliaj shtoi një tjetër fjali që tregon se reagimi i parë i tij nuk duhet marrë shabllon: “Unë kam vetëm ambicie që unë ta pasoj me sukses punën e Edi Ramës si kryebashkiak”. Kjo është përgjigja me të cilën Veliaj lë të kuptojë qartë se për aq kohë sa ai kërkon të jetë pasues i Edi Ramës si kryebashkiak, atëhere pse të mos jetë ai edhe njeriu që do ta pasonte atë në PS. E meqë jemi tek PS, moderatoi i emisionit “FAKT” në Syri.net e pyeti edhe për zhvillimet në PS. Ja përgjigjet për pyetjet.
Përjashtimi i Ben Blushit?
Jam përpjekur që të fokusohem tek puna e Bashkisë dhe vetëm kur më cënohet ajo unë reagoj. Parimisht besoj se shtëpisë nuk i gjuhet me gurë, dhe plaçkat e palara nuk ndehen për të gjithë botën.
A është Ben Blushi socialist?
Unë nuk bëj gabimin që bën Blushi duke i veshur vetes një tis moralisti që nuk e ka. Ai ëshë një koleg. Nëse ai e merr këtë meritë unë nuk e marr.
A është Erion Veliaj një socialist?
Jam një socialist 24 karat.
