Vriten pesë ushtarë ukrainas në Donbas
Në lindje të Ukrainës brenda një dite kanë humbur jetën pesë ushtarë ukrainas, ndërsa 4 të tjerë janë plagosur, raporton Anadolu Agency (AA).
Zëdhënësi i Presidencës në luftën kundër terrorizmit në Ukrainë, Aleksandr Motuzyanik, organizoi një mbledhje informative në lidhje me operacionet të cilat po zhvillohen në lindje të vendit.
Motuzyanik vuri në dukje se vazhdojnë sulmet e armatosura të separatistëve pro-rusë ndaj ushtrisë ukrainase në Donbas. “Fatkeqësisht në operacionet në ditën e fundit humbën jetën 5 ushtarë ukrainas ndërsa 4 u plagosën”, tha ai.
