Abrashi: Kosova po shndërrohet në vend atraktiv për investime

Ministri i Punës dhe Mirëqenies Sociale, Arban Abrashi ka thënë se kjo javë është “java e investimeve gjermane dhe më gjerë”.

“Nesër konferenca “Investimet dhe Punësimet nga Disapora”, të martën panairi i punës, me prezencë të Agjensionit të Punësimit të Gjermanisë, të enjten përurimi i një investimi Gjermano – Kosovar, dhe gjatë vitit, pas plotësimit të procedurave, qindra vende pune në një fabrikë të procesimit të perimeve” ka thënë ai në Facebook, transmeton Klan Kosova.

Abrashi ka thënë se “Kosova po shndërrohet në vend atraktiv për investime gjermane dhe më gjerë”.