Qeveria nuk ka arsyetim për shitjen skandaloze të tokës në Komunën Qendër

“Ministria për Transport dhe Lidhje, nuk u prononcua për atë se kush është përgjegjës për tenderin skandaloz për shitjen e tokës shtetërore”, thuhet në reagimin e Komunës Qendër.

Komuna Qendër ka reaguar ndaj tendencave të qeverisë e cila nëpërmjet Ministrisë për Transport dhe Lidhje mundohet në mënyrë të thjesht të mbulojë shitjen skandaloze të tokës për 71 denarë metër katrorë, në territorin e Komunës Qendër.

Ministria për Transport dhe Lidhje, nuk u prononcua për atë se kush është përgjegjës për tenderin skandaloz për shitjen e tokës shtetërore. Nuk është  vërtetë se kjo ministri nuk ka pasur informacion se përveç shtetit, parcela ka edhe tre pronarë të tjerë”, thuhet në reagimin e Komunës Qendër.

Komuna qendër njofton se këto të dhëna për tokën shtetërorë në territorin e kësaj komune i ka marrë nga Kadastra, në shtatorë të vitit 2013 dhe kanë qenë publike, që do të thotë se kanë qenë njohura edhe për Ministrinë për Transport dhe Lidhje.