Bujar Osmani: Qeveria teknike krijohet 100 ditë përpara zgjedhjeve
Katër partitë më të mëdha duhet t’u kthehen rrugëve të bisedimeve për të gjetur konsenzus dhe për t’i hapur rrugën zgjidhjes së krizës, tha zëdhënësi i BDIsë, Bujar Osmani.
“Raporti i Pribes, me agjendën e reformave është bazë e mirë për të arritur në fazën e zgjedhjeve kredibile. Kjo qeveri është e fokusuar në atë agjendë dhe është mirë që edhe opozita ta pranojë atë. Në rast se nuk caktohet data e zgjedhjeve, atëherë si datë do mbetet 2018”, thotë Osmani. Nëse kjo kupton edhe kthim të Gruevskit si kryeministër, Osmani deklaroi se për momentin po punohet për normalizimin dhe stabilitetin e vendit. Lidhur me qeverinë teknike, Osmani përmendi ligjin sipas së cilit, “qeveria teknike krijohet 100 ditë përpara zgjedhjeve”.