HRW: Të hetohen sulmet brutale në Ukrainë (FOTO)

Organizata për të Drejtat e Njeriut, Human Rights Watch, ka kërkuar që të hetohen rrahjet e policisë dhe sulmet e tjera brutale në protestat antiqeveritare në Ukrainë.

HRW ka akuzuar policinë për rrahje brutale të disa personave, përfshirë këtu edhe një 17-vjeçar, raporton “Radio Evropa e Lirë”.

Yulia Gorbunova, hulumtuese për Ukrainën pranë HRW-së, ka thënë se trajtimi i Mikhailo Niskuguzit, i cili është rrahur, zhveshur dhe poshtëruar, cilësohet si torturë.

Ukraina është përfshirë nga protestat antiqeveritare për më shumë se dy muaj. Situata po rëndohet dita-ditës, ndërsa kryeministri Azarov kërcënoi protestuesit se do t’i shpallte të paligjshme tubimet dhe do të burgoste këdo që mblidhet në shesh./Shekulli/