Avioni detyrohet të aterojë, u përplas me zogj
Një avion u detyrua që të bëjë një ulje emergjente në Aeroportin Seattle-Tacoma të mërkurën, pasi u godit me një grumbull shpezësh, duke shkaktuar një lakim të madh në hundë.
Avioni i American Airlines, që u nis nga Sea-Tac rreth orës 3:36 pasdite të mërkurën, ishte duke udhëtuar për në Dallas, transmeton Gazeta Express.
Pak pasi u nis, pilotët kontaktuan me Kontrollin e Trafikut Ajror, duke thënë se kishin goditur dy zogj gjatë ngritjes dhe se duhet të bëjnë ulje emergjente për të përcaktuar dëmin në avion.
Zyrtarët e Sea-Tac thanë se ishin rreth 150 pasagjerë në avion, së bashku me ekipin e avionit, dhe se askush nuk u lëndua.