Qeveria i publikoi biografitë e disa ministrave dhe zv/ministrave të BDI-së (FOTO)
Pas tekstit të djeshëm të Portalbit në lidhje me mospublikimin e biografive të ministrave dhe zv/ministrave të rinj të BDI-së në ueb-faqen zyrtare të Qeverisë së Maqedonisë, Qeveria sot i ka publikuar biografitë. Megjithatë, Qeveria i ka publikuar vetëm biografitë e 6 ministrave dhe 2 zëvendëskryeministrave të BDI-së, ndërkaq për 4 zëvendësministra ende nuk ka të dhëna, shkruan Portalb.mk.
Ueb-faqja e Qeverisë së RM-së vazhdimisht përditësohet, por në të mund të gjeni vetëm version në gjuhën maqedonase dhe në atë angleze. Zëdhënësit e Qeverisë, ditë më parë për Portalb, nuk dhanë asnjë sqarim për mungesën e versionit në gjuhën shqipe.
Në pyetjen e gazetares së Portalbit “Pse nuk ka version në gjuhën shqipe në ueb-faqen e Qeverisë?”, Muhamed Hoxha u shpreh: “Pse nuk ka versionin shqip?!… A bën të konsultohem dhe dëgjohemi?… Të thërras për shkurt te ky numër.” Por Hoxha jo vetëm që nuk e telefonoi gazetaren, ai më nuk e hapi telefonin.
Ndërkohë, pas shumë thirrjeve të papërgjigjura, Aleksandar Gjorgjiev me sms-porosi kërkoi nga gazetarja t’i shkruaj. Megjithatë nuk iu përgjigj pyetjes me shkrim e as nuk iu përgjigj thirrjeve në vijim.
Pos kësaj, tani për tani, të gjitha biografitë e ministrave dhe zv/ministrave shqiptar nga radhët e BDI-së, janë vetëm në gjuhën maqedonase, për dallim nga kolegët e tyre nga radhët e VMRO-DPMNE-së, që i kanë edhe në gjuhën angleze.
Qeveria në faqen e saj zyrtare i ka publikuar biografitë për:
Festim Halili – Zëvendëskryeministër i Qeverisë së Maqedonisë për Zbatimin e Marrëveshjes së Ohrit
- Data e lindjes: 5 maj 1984
- Vendi i lindjes: Tetovë
Shkollimi:
- 2014 Doktorat: Royal Holloway University of London & Tirana University, Fakulteti për Shkenca Natyrore, Katedra Informatikë
- Magjistraturë: Universiteti i Evropës Juglindore, Shkencat Bashkëkohore dhe Teknologji
- 2007 Studime diplomike: Universiteti i Evropës Juglindore, dhe Universiteti Teknik – Munih
- Karrierë akademike:
- 2014 docent – Universiteti i Evropës Juglindore dhe Universiteti Ndërkombëtar Ballkanik
- 2013 Hulumtues – Royal Holloway University of London, njoftonPortalb
- 2012 Asistent – Universiteti i Evropës Juglindore – Katedra për Informatikë
- 2009 Asistent më i ri – Universiteti i Evropës Juglindore – Katedra për informatikë
- Përvojë pune:
- 2014 IT ekspert – Zyra e Prokurimit Publik
- 2014-2016 Menaxher i zyrës – Rektorat – zyrë projektuese
- 2009-2016 Zyra IT – Universiteti Shtetëror i Tetovës
- 2010 Inxhinier i softuerit – Scopic Software, USA
- 2008-2010 konsulent – INACON GmbH, Karlsruhe – Gjermani
- 2005-2007 Zyra IT – Universiteti i Evropës Juglindore
Gjuhët:
- Shqip
- Maqedonisht
- Anglisht
- Gjermanisht
- Turqisht
Arbër Ademi – Zëvendëskryeministër i Qeverisë së Republikës së Maqedonisë për Çështje Evropiane
- Data e lindjes: 25 shtator 1985
- Vendi i lindjes: Kumanovë
Shkollimi:
- 1992-2000 shkollimi fillor “Marshall Tito”, Kumanovë
- 2000-2004 shkollimi i mesëm – gjimnazi “Goce Dellçev”, Kumanovë, shkruan Portalb
- 2004-2008 studime akademike në Fakultetin Juridik në Universitetin Shtetëror të Tetovës
- 2008-2010 studime master në fushën e drejtësisë – drejtimi civil, Fakulteti Juridik USHT, njofton Portalb
- 2011-2015 studime të doktoraturës, Fakulteti Juridik, Universiteti i Tiranës-Shqipëri. Disertacioni i doktoratit: Zgjidhja e mosmarrëveshjeve tregtare përpara arbitrazhit tregtar ndërkombëtar”.
Kualifikime tjera:
- E ka kaluar provimin e jurispodencës
- E ka kaluar provimin e noterisë
Përvojë pune:
- 2009-2010 Asistent i çrregullt në Fakultetin Juridik në USHT
- 2009-2012 Asistent i në Fakultetin për Biznes dhe Administratë në USHT
- 2010 Konsulent i ministrit të Punës dhe Politikës Sociale.
- 2010 Asistent me orar të plotë pune në Fakultetin Juridik në USHT
Gjuhët:
- Shqip
- Maqedonisht
- Anglisht
Valdet Xhaferi – Ministër i Drejtësisë
- Viti i lindjes: 30 tetor 1989
- Vendi i lindjes: Gostivar
Shkollimi:
- Shkollimi i mesëm – Gjimnazi “Gostivar” në Gostivar
- Shkollimi i lartë – Fakulteti Juridik në Universitetin e Evropës Juglindore, Tetovë, transmeton Portalb
- 2011 Studimet e magjistraturës – Universiteti i Evropës Juglindore, Tetovë, Fakulteti Juridik – E Drejta Penale
Përvojë pune:
- 2012 Sekretar i Fakultetit Ekonomin në Universitetin Shtetëror të Tetovës
- 2012-2014 në Kabinetin e ministrit të Drejtësisë
Gjuhët:
- Shqip
- Anglisht
- Gjermanisht
Driton Kuçi – Ministër i Ekonomisë
- Data e lindjes: 6 gusht 1987
- Vendi i lindjes: Shkup
Shkollimi:
- Shkollimi fillor “Ismail Qemali” – Shkup
- Shkollimi i mesëm: Shkolla Ekonomike “Arseni Jovkov” – Shkup
- Shkollimi i lartë: Jurist i diplomuar
- Studime të magjistraturës në fushën e drejtësisë: E Drejta Kushtetuese, njofton Portalb
- Doktor në Fakultetin Juridik – Universiteti “Shën Kirili dhe Metodi” – Shkup, E Drejta Kushtetuese dhe sistemi politik.
Kualifikime tjera:
- E ka dhënë provimin e jurispodencës
- E ka dhënë provimet e noterisë
Përvojë pune:
- 2010-2012 Asistent i ri në FON – Fakulteti Juridik (Histori e së drejtës, e drejta kushtetuese, sistemi politik, e drejta administrative, e drejta kushtetuese e krahasuar dhe e drejta e BE-së)
- 2012-2016 Asistent doktorant në USHT
- 201202015 Koordinator i studimeve të disperzuara të USHT-së në Shkup
Gjuhët:
- Shqip
- Maqedonisht
- Anglisht
Pishtar Lutfiu – Ministër i Arsimit dhe Shkencës
- Data e lindjes: 17 mars 1986
- Vendi i lindjes: Dibër
Shkollimi:
- 200-2004 Shkollim i mesëm “Nikolla Shtejn” – Tetovë
- 2006-2009 Fakulteti, Universiteti i Evropës Juglinodre – Tetovë, Administratë publike dhe shkenca politike, transmeton Portalb
- 2009-2012 Master studime, Universiteti i Evropës Juglindore – Tetovë, shkenca politike
Përvojë pune:
- 2014 Klubi Alpbah Maqedoni, kryetar
- 2013 Qeveria e Republikës së Maqedonisë, Sekretariati për Zbatimin e Marrëveshjes së Ohrit – Sektori për marrëdhënie ndërkombëtare
- 2011-2013 Instituti për Studime Ndërkombëtare dhe Politike – Shkup, sekretar gjeneral.
Gjuhët:
- Shqip
- Maqedonisht
- Anglisht
- Italisht
Shyrete Elezi – Ministre e Pushtetit Lokal
- Data e lindjes: 20 mars 1981
- Vendi i lindjes: Frankfurt, Gjermani
Shkollimi:
- 1996-200 Gjimnazi “Pançe Popovski”, Gostivar
- 2000-2004 Universiteti i Tetovës, Fakulteti Ekonomik
- 2006-2008 Universiteti “Shën Kirili dhe Metodi”, Shkup (Msc)
- 2009-2011 Universiteti “Shën Kirili dhe Metodi”, Shkup (PhD)
- 2009 – Magjistraturë në Shkencat ekonomike, përcjell Portalb
- 2011 Doktor i shkencave ekonomike (PhD)
Përvojë pune:
- 2005-2016 Komuna e Gostivarit, kryesues i Sektorit për Çështjet Financiare
- 2012 Universiteti Shtetëror i Tetovës, profesor i çrregullt
- 2013-2016 Profesor i Universitetit Ndërkombëtar në Strugë
Gjuhët:
- Shqip
- Anglisht
- Gjermanisht
- Çeke
Bashkim Ameti – Ministër i Mjedisit Jetësor dhe Planifikimit Hapësinor (Ekologji)
Data e lindjes: 24 mars 1983
Vendi i lindjes: Gullmovë, Shkup
Shkollimi:
- 2002-2007 Fakulteti Juridik në Universitetin e Evropës Juglindore në Tetovë, njofton Portalb
Kualifikime tjera:
- E ka kaluar provimin e jurispodencës
- E ka kaluar provimin e noterisë
Përvojë pune:
- 2007 D.P.P.U. Getoar
- 2008-2009 Zyrë avokature
- 2009-2013 Fondi për Sigurim Pensional dhe Invalidor
- Ministri të Drejtësisë
- 2013-2016 Agjencia për Menaxhimin e Mallrave të Konfiskuar
- Anëtar në Bordin Drejtues të Agjencisë për Kadastër dhe Patundshmëri
- Anëtar i Këshillit të ekspertëve të Dhomës së Përmbaruesve të Republikës së Maqedonisë
- 2013 Anëtar i Këshillit të Qytetit të Shkupit
Gjuhët:
- Shqip
- Maqedonisht
- Anglisht
Arlind Zeqiri – Ministër për Investime të Huaja
Data e lindjes: 19 Tetor 1983
Vendi i lindjes: Tetovë
Shkollimi:
- 2007 International University IU, magjistër i diplomacisë dhe studimeve strategjike (Vjenë, Austri)
- 2010-2011 Megatrend University, Magjistër i Ekonomisë në fushën e gjeo-ekonomisë dhe studimeve rajonale (Beograd, Serbi), transmeton Portalb
- 2002-2007 Universiteti i Evropës Juglindore, specialist në të Drejtën e Penale, jurist i diplomuar (Tetovë)
Përvojë pune:
- 2013 Promotor ekonomik, Bern, Zvicër
- 2013 kryesues i Qendër për Zhvillim në Rajonin e Pollogut, Tetovë
- 2012-2013 Bashkëpunëtor për marrëdhënie me publikun, Oda Ekonomike e Maqedonisë Veriperëndimore, Shkup
- 2012-2013 Asistent i çrregullt në Universitetin Shtetëror të Tetovës
- 2012-2013 Konsulent rajonal, Lansky Ganzger parnter (LGP) Attorneys, Maqedoni – Austri
- 2011-2012 Bashkëpunëtor, König Rechtsanwälte Attorneys, Vjenë, Austri
- 2010 Stazhier, OSBE Gender Section, Vjenë, Austri
- 2010 Stazhier, Ambasada e R. Maqedonisë, Vjenë, Austri
- 2009 Konsulent në projektin rajonal, DIVVI Consult Internation, Esen, Gjermani
- 2007-2008 Gjykata Themelore Tetovë, përcjellë Portalb
- 2005-2007 Zëvendëskryetar i klubit menaxhues, Universiteti i Evropës Juglindore
- 1994-2002 Vullnetar, Kryqi i Kuq Tetovë
Gjuhët:
- Anglisht
- Maqedonisht
- Gjermanisht
- Turke
Qeveria e Maqedonisë ende nuk i ka publikuar biografitë për:
Megjithatë, biografitë jo-zyrtare të zëvendësministrave të BDI-së, të cilëve Qeveria nuk ua ka publikuar biografitë, Portalb ditë më parë i ka publikuar dhe mund t’i lexoni në linkun e mëposhtëm: Ja cilët janë ministrat e rinj të BDI-së (FOTO)
Gjendja pronësore e ministrave dhe zv/ministrave të rinj të BDI-së ende s’është publikuar
Kanë kaluar disa ditë, nga dita kur u votuan në Kuvend ministrat dhe zv/ministrat e rinj të BDI-së, por deri në këtë moment, listat e tyre anketuese për gjendjen pronësore në Komisionin Shtetëror për Parandalimin e Korrupsionit, ende nuk janë publikuar, raporton Portalb.
Publikimi i të dhënave për gjendjen pronësore është obligim ligjor për çdo funksionar.
Portalb ka tentuar disa herë të kontaktojë me shërbimin informativ të Komisionit Shtetëror për Parandalimin e Korrupsionit në lidhje me mospublikimin e gjendjes pronësore, megjithatë ata nuk e kanë hapur telefonin. /Portalb
Lexo: Përgjegjës të hutuar, asnjë sqarim për mungesën e versionit shqip në ueb-faqen e Qeverisë
LEXO: Ministrat e rinj, “kamikazë partiak” apo fryme e re?
LEXO: BDI krenohet me ministrat e rinj, PDSH i quan jo funksional