Mustafa: Prioritet i yni hapja e vendeve të punës
Kryeministri i Kosovës, Isa Mustafa në vizitën në vizitën e tij në Drelaj me rastin e përurimit të aneksit të fabrikës së djathit Rugove ka vlerësuar lartë këtë investim . Ai tha se do të kemi djathë Rugove edhe në vendet evropiane gjithashtu do të hapën vende të reja pune, dhe ky do të jetë prioriteti i yni, njofton Klan Kosova.
Samuel Zbogar shef i zyrës së BE-së në Kosovë pjesëmarrës në këtë ceremoni ka thënë se kjo fabrikë i ka shfrytëzuar maksimalisht fondet dhe punojnë me kushtet evropiane.
Ky projekt është fituar nga grandi rural i Bashkimit Evropian me vlerë 38700 euro për sektorin e qumështit, me këtë është ndërtuar një aneks i fabrikës për punëtorë të rinj.
Kurse, Visar Kelmendi themeluesi i fabrikës “Rugove SHPK” tha se shembulli i Rugovës dhe fabrikave në këtë rajon tregojnë që është e mundur të punohet dhe zhvillohet prodhimtari a në Kosovë si dhe ka kërkuar nga kryeministri të zhvillojë infrastrukturën ligjore sidomos pas hyrjes në fuqi të MSA-së, që ta kenë më lehtë eksportimin e produkteve për në tregun e BE-së, njofton Klan Kosova.