Bexheti: BDI është dashur ta lëshojë qeverinë nga publikimi i “bombave” të para
Akademiku Abdulmenaf Bexheti në emisionin “Click Plus” të TV21 tha se BDI është dashur të lëshoj qeverinë në momente më gjithëpërfshirëse, për dallim nga këto aktualet, që siç i quan ai, “çështje të pastra personale”.
“Nëse është dashur ndonjëherë të bëhet ndonjë veprim, është dashtë të bëhet që kur janë dëgjuar bombat e para. Dhe trajtimi i shqiptarëve si kolektivet në Maqedoni, së paku nga aspekti moral është dashur të bëhet një veprim i tillë dhe jo tani për shumë çështje të pastër personale”, u shpreh Abdulmenaf Bexheti, akademik.
Ndërsa ish-kryetari i partisë DR-së Imer Selmani, tha se BDI me vendimin e fundit ka për qëllim konsolidimin brenda partiak para zgjedhjeve.
“Dalja nga qeveria ka për arsye konsolidimin e radhëve brenda BDI dhe eventualisht mbrojtja e strukturave të BDI-së dhe ndoshta parapërgatitja për zgjedhjet e ardhshme”, tha Imer Selmani.