Tortevski: Anevski me Këshillin e Prokurorëve luan për Zvërlevskin
Avokati, Aleksandar Tortevski, vlerëson se kryetari i Këshillit të Prokurorëve, Petar Anevski, e çon me inat me prokuroren speciale Katica Janeva, në lidhje me dorëzimin e lëndëve “Magjar Telekom” dhe “Verushevski”, dhe se sipas tij këtë të fundit e bën me qëllim që t’i kthehen Zvërlevski dhe jo Prokurorisë Speciale.
“Anevski vet e pranon se nuk ia jep lëndët PSP-së, vetëm për inat. Si të përkthehet ndryshe deklarata e tij se do t’ia jep lëndët PSP-së, vetëm nëse vjen në seancë te ata prokurorja speciale Janeva dhe t’u jep përgjigje pyetjeve të atyre”, thotë Tortevski.
Reagimi i Anevskit, ka ardhur pasi që është hidhëruar nga sjellja e Janevës e cila ka në seancën e Këshillit të Prokurorëve ka marrë pjesë vetëm 5 minuta dhe nuk ka dashur të shpjegojë asgjë në lidhje më lëndët, as t’u përgjigjet pyetjeve të Këshillit të Prokurorëve.
“Me 7 vota “për”, është sjellë vendime që rastet që i ka kërkuar Prokuroria Speciale, gjegjësisht për rastet “Magjar Telekom”, dhe “Verushevski”, do të jenë nën kompetenca, të Prokurorisë Themelore – Shkup dhe Prokuroria për Ndjekje të Krimit të Organizuar dhe Korrupsionit – Shkup”, kështu është deklaruar kryetari i Këshillit të Prokurorëve Petar Anevski, më 30 mars 2016, në lidhje me kërkesën e prokurores speciale, Katica Janeva që t’i dorëzohen kompetencat për lëndët e lartpërmendura.
Janeva, shkurt ka marrë pjesë në seancën e Këshillit të Prokurorëve, në të cilën ka qenë e thirrur që ta arsyetojë kërkesën e saj për marrjen e kompetencave ndaj këtyre lëndëve.
“E njoftova Këshillin e Prokurorëve se unë po veproj sipas ligjit për Prokurori Speciale për t’i marrë kompetencat e lëndëve “Magjar Telekom” dhe lëndët “Zoran Verushevski” dhe “Goran Verushevski”. I njoftova se unë nuk kam kurrfarë detyrimi që të përfaqësojë në seancat e tyre. Në bazë të autonomisë së veprimtarisë së PSP-së, gjithçka është e sqaruar në ligjin për Prokurori Speciale”, tha Janeva pasi doli nga seanca e Këshillit të Prokurorëve. /Portalb
LEXO: Këshilli i Prokurorëve e refuzon kërkesën e Janevës për ta marrë “Magjar Telekomin”
