Merr fund pengmarrja e avionit egjiptian, arrestohet rrëmbyesi
Njoftohet se është ndaluar rrëmbyesi i avionit të pasagjerëve të kompanisë ajrore egjiptiane i cili ka ateruar në aeroportin Larnaka në Qipron Jugore, raporton Anadolu Agency (AA).
Autoritetet e Qipros Jugore greke njoftuan se janë lënë të lirë edhe pasagjerët e fundit që ndodheshin në avionin e i cili ishte rrëmbyer pasi ishte ngritur në fluturim nga Aleksandria për në Kajro.
Mediat lokale transmetuan pamjet ku 6 pasagjerët e fundit kanë zbritur me vrap nga shkallët e avionit pas një pritjeje prej rreth 5 orësh si dhe është vërejtur se një person është hedhur nga dritarja e kabinës së pilotit.
Në një deklaratë në llogarinë e Twiterit të kompanisë ajrore egjiptiane theksohet se rrëmbyesi është arrestuar.
Ndër të tjera theksohet që emri i personit që rrëmbeu avionin është përcaktuar si Sejfeddin Mustafa, ku më parë Ministria e Aviacionit Civil të Egjiptit kishte deklaruar se emri i tij ishte Ibrahim Semaha.
Avioni i kompanisë ajrore egjiptiane u mor peng me 81 pasagjerët pak kohë pasi ai ishte ngritur nga Aleksandria dhe ateroi në aeroportin Larnaka të Qipros Jugore.
Ndërsa lideri i Qipros Greke Nikos Anastasiadis tha se rrëmbimi i avionit egjiptian nuk ishte akt terrorist.
