Haradinaj: Situata e ndjeshme
Opozita e Bashkuar e ka anuluar protestën e paraparë të mbahej me 26 mars, të shtunë.
Kryetari i Aleancës për Ardhmërinë e Kosovës, Ramush Haradinaj, në një konferencë të shkurtër për media, ka dhënë lajmin se protesta do të anulohet.
Haradinaj nuk dha arsyet për anulimin e protestës, por tha se situata është e ndjeshme, duke mos u shpjeguar më tepër, njofton Klan Kosova.
Kurse lideri i Nismës për Kosovën, Fatmir Limaj, ka thënë se Opozita megjithatë do të mbetet e bashkuar deri në finalizimin e kauzës së tyre.
Ndërsa, Visar Ymeri i Lëvizjes Vetëvendosje nuk ka folur fare në konferencë./klankosova.tv