Merr statusin në “Facebook” dhe bën tekst!
[Recension: VLON NË RRJETET SOCIALE: Јaneva është maqedonasja e parë që publikisht e mohon shtetin maqedonas – qytetarët dhe ekspertët të tmeruar]
Ky është një shembull se si nuk duhet të një tekst. Menjëherë bie në sy se ka mbisunduar qëllimi që të sulmohet prokurorja speciale Katica Janeva. Materiali nuk i ka elementet e nevojshme që duhet t’i ketë çdo artikull gazetaresk me angazhim të mirëfilltë. Nuk ka deklarata, nuk është objektiv dhe asppak nuk është përmbajtësor. Nga statusi në”Facebook” nuk mund të ndërtohet një storje gazetareske.
Linku deri te artikulli origjinal: VLON NË RRJETET SOCIALE: Јaneva është maqedonasja e parë që publikisht e mohon shtetin maqedonas – qytetarët dhe ekspertët të tmeruar
Data dhe koha e publikimit: 23.03.2016, 13:07
Data e recensionit: 24.04.2016
Recensues: Vllado Gjorçev
KU E MOHON JANEVA SHTETIN MAQEDONAS?
Теksti paraqet spin duke filluar nga titulli, e deri te fjalia e fundit. Në fakt, në konstruksionin e titullit thuhet se: Јaneva është maqedonasja e parë që publikisht e mohon shtetin maqedonas – qytetarët dhe ekspertët të tmeruar, dhe menjëherë e keni të qartë se për çka bëhet fjalë.
E para, nga deklarata e Janevës që është dhënë në konferencën në të cilën mori pjesë edhe prokurorja rumune Laura Kovesi, aspak nuk mund të nxirret përfundim se e mohon shtetin maqedonas. Është e paqartë se si është ardhur deri te konstatimi i këtillë, kur Janeva thotë:
Nga dëshmitë del se vetë zgjedhja e kryetarit të shtetit, e gjykatësve kushtetues dhe i deputetëve në Kuvend është vënë në pikëpyetje dhe të gjitha këto institucione janë jolegjitime.
E dyta, në titull, thuhet se qytetarët dhe ekspertët janë të tmeruar. Nëse shihet teksti, do të shihet se në të nuk ka ekspertë, ndërsa ka komente nga profile në “Facebook”, për të cilat nuk mund të konfirmohet se a janë të rrejshme, a janë partiake, apo janë të qytetarëve. Prandaj, është mosmirënjohëse që të nxiret një përfundim i këtillë në titull.
VLON NGA JOOBJEKTIVIZMI
Nga ana tjetër, i gjithë tеksti bazohet në një status të profesoreshës Biljana Vankovska. Publikimi i saj është ndarë në disa pjesë, e pastaj janë nxjerrë komentet që përgjigjen për ta përforcuar sulmin ndaj Janevës. Dhe ky është i gjithë teksti, “i përforcuar” me titullin: Vlon në rrjetet sociale! Këtu duhet theksuar se nuk bëhet fjalë për rrjetet sociale në shumës, për shkak se në bazë të asaj që është shkruar në tekst, bëhet fjalë vetëm për një rrjet sociale – “Facebook-un. Poashtu, vështirë mund të dëshmohet se “vlon”, sepse, megjithatë, bëhet fjalë për një status në “Facebook”, i cili nuk mund të jetë relevant, për shkak se nuk është qëndrim zyrtar.
Se teksti nuk është përmbajtësor shihet edhe nga mënyra e përpunimit. Në fakt, në rrjetet sociale mund të vëreheshin edhe komente të ndryshme nga ato që janë prezantuar në tekst, mirëpo ato nuk janë marrë parasysh. E poashtu shihet se nuk ka pasur qëllim që të merret deklaratë nga Janeva, apo nga Vankovska.
E gjithë kjo e bën tekstin joobjektiv dhe joporfesional. Kodi i gazetarëve në nenin 1 thotë:
Në qoftë se informata nuk mund të konfirmohet, ose nëse bëhet fjalë për supozim, respektivisht spekulim, kjo gjë duhet cekur dhe botuar.
Saktësia e informatës duhet vërtetuar sa më shumë që është e mundur.
Јаneva dërgoi edhe një komunikatë ku sqaroi në mënyrë plotësuese se çka ka dashur të thotë, mirëpo teksti nuk është i plotësuar me reagimin e saj, por ka mbetur në versionin e tij fillestar.
Duke i marrë parasysh të gjitha këto shkaqe, ky tekst i nënshtrohet recensionit dhe meriton notë negative. Në të shihen të gjitha dobësitë e një produkti joporfesional.
