Irak, 500 familje në një muaj ikin nga frika e DAESH-it
Rreth 500 familje janë larguar nga shtëpitë e tyre muajin e fundit, nga qyteza Havixhe e Kerkukut e cila ndodhet nën kontrollin e DAESH-it, raporton Anadolu Agency (AA).
Ako Nexhim, një komandant i forcave Peshmerge në një deklaratë për gazetarin e AA ka thënë se pas lajmeve se forcat irakiane kanë nisur një ofensivë të gjerë për shpëtimin e Musullit, populli i cili jeton në rajonet e kontrolluara nga DAESH po largohet.
Duke nënvizuar se menjëherë pas fillimit të operacionit në afërsi të Havixhe-s nga ana e ushtrisë irakiane popullata në këtë rajon ka filluar të largohet, Nexhim në vijim të fjalës së tij tha se numri i atyre që kanë lënë shtëpitë dhe janë strehuar në rajonet e sigurta të kontolluara nga Peshmerget vetëm muajin e fundit ka shkuar në 500.
Nexhim ka thënë gjithashtu se për shkak të frikës për ardhjen e militantëve bashkë me familjet e ikura ata kanë shtuar kontrollet dhe si rrjedhojë janë kapur një numër i madh militantësh të DAESH-it.
