Deskovska: VMRO-DPMNE-ja e pamundëson punën e PSP-së
Deputetja dhe anëtare e Komisionit për sistem politik dhe marrëdhënie midis bashkësive të LSDM-së, Renata Deskovska në konferencën e sotme për shtyp e akuzoi VMRO-DPMNE-në se e pamundëson punën e Prokurorisë Speciale Publike.
“Nga momenti i formimit të Prokurorisë Speciale Publike, VMRO-DPMNE-ja bën gjithçka që puna e këtij institucioni me të vërtetë të ri në tërësi të pengohet dhe të pamundësohet, me qëllim të shmanget nga përgjegjësia”, tha Deskovska.
Është e qartë, shtoi ajo, se VMRO-DPMNE-ja nuk ka për qëllim të debatojë për raportin e Prokurorisë Speciale Publike.
“Këtë e vërteton edhe praktika e deritanishme e VMRO-DPMNE-së, në pajtim me të cilin raportet nga prokurorët publikë nuk janë shqyrtuar në vitet e fundit”, tha Deskovska.
Në kontekst të kësaj, shtoi se janë shqyrtuar vetëm raportet e Këshillit të Prokurorëve publikë, por jo edhe të Prokurorit publik të Republikës së Maqedonisë.
