Shpërthim me bombë në Beograd, një i vdekur (VIDEO)
Një person i paidentifikuar është vrarë sot rreth orës 12:38 pasi e eksplodoi një mjet shpërthyes në një ëmbëltore në qendër të Beogradit, bën të ditur Ministria e Brendshme e Serbisë.
Policia ndodhet në vend të ngjarjes për të marrë vesh të gjitha faktet dhe rrethanat e këtij incidenti.
Një zëdhënës i Ndihmës së Shpejtë, Nada Macura i ka thënë Tanjugut se edhe ekipet e tyre ndodhen në terren.
Tragjedia ndodhi në ëmbëltoren “Petkoviq”, kur persona të paidentifikuar kanë hyrë në këtë dyqan duke i larguar klientet dhe pastaj aktivizuan mjetin shpërthyes.
Vendi ku ndodhi rasti është një dyqan i njohur i ëmbëlsirave në pronësi të ish-ministrit të Kulturës, Bratislav Petkoviq, transmeton Klan Kosova.