Zbulohet biseda e Guardiolës me Kimmich pas ndeshjes (Video)

Derbi gjerman mes Dortmundit dhe Bayernit përfundoi pa gola 0 me 0. Paraqitja e lojtarit të ri të Bayernit Joshua Kimmich i impresionoi të gjithë, madje edhe trajnerin e tij Pep Guardiola.
Pas ndeshjes ai shkoi direkt te lojtari duke i dhënë instruksione edhe pse takimi kishte përfunduar, në pamje të parë ai dukej sikur po tregohet agresiv me lojtarin, por ai ishte një nga më të mirët në këtë sfidë.
“Unë e dua këtë fëmijë. Ai ka absolutisht gjithçka, dëshiron të mësojë dhe ka pasion. Kimmich mund të bëjë gjithçka që dëshiron”, tha Guardiola duke treguar se nuk ishte duke kritikuar lojtarin , por duke i thënë fjalë të mira.