Rexhepi: Komandantët nga Kumanova m’i kanë ofruar “shërbimet” e tyre
Kryetari i Bashkësisë Fetare Islame, Sulejman Rexhepi, ka pasur oferta nga komandantët e grupit të Kumanovës për ta pastruar situatën me kundërshtarët e tij, por këto oferta janë refuzuar nga ana tij. Sipas rrjetit të gazetarisë hulumtuese BIRN, ky kishte qenë edhe shkaku që kreu i BFI-së të refuzoj pjesëmarrjen në konferencën vjetore ‘’Dialog ndërmjet religjioneve dhe civilizimeve”.
Rexhepi kishte konsideruar se nuk e ka vendin në atë mbledhje, pasi organizimi i saj ka qenë nën tutelën e politikës dhe nën patronatin e diktatorit që nuk mbahet mend në historinë e politikës, Nikolla Gruevski. Kreu i BFI-së dyshon se Qeveria ka gisht në ‘’puçin’’ ndaj tij në BFI, kur 40 kundërshtarë të tij e mbajtën të bllokuar selinë e institucionit fetar islam, duke kërkuar tërheqjen e tij nga posti.
