Kosovë: Presidenti votohet të premten në orën 11:00
Kryetari i Kuvendit, Kadri Veseli, ka njoftuar se të premten në orën 11:00 do të mbahet seanca në të cilën do të votohet për zgjedhjen e Presidentit.
Është moment i veçantë dhe historik, ka thënë kryetari i Kuvendit, Kadri Veseli, teksa ka treguar datën dhe orën e votimit të presidentit të ri të Republikës së Kosovës.
Kryeparlamentari ka thënë se kandidaturat për president janë: Hashim Thaçi dhe Rafet Rama, transmeton Koha.net.
Ai ka thënë më tej se ajo që ka ndodhur në Kryesinë e Kuvendit me gazin lotsjellës ka kaluar të gjithë kufijtë.
