Hoxhaj falenderon Fulen për rolin e tij në negociatat për MSA-në
Ish-ministri i jashtëm, Enver Hoxhaj ka takuar sot në Prishtinë ish Komisionerin për Zgjerim të BE-së, Shtefan Füle, njëherir përfaqësuesi i Republikës së Çekisë për Ballkanin Perëndimor.
“Diskutuam për sfidat e Kosovës dhe BE-së në muajt e vitet që po vijnë, e vecmas rëndësinë e liberalizimit të vizave për kosovarët si një nga parakushtet drejt integrimit të Kosovës në familjen evropiane”
” Çekia mbetet një mbështetëse e parazervë për këtë proces. E falendërova për rolin e tij vendimtar në hapjen dhe mbylljen e negociatave të Kosovës me BE-në për MSA-në” ka shkruar ish-kryediplomati kosovar në një postim në llogarinë e tij në Facebook, transmeton Klan Kosova.
