Vendi i parë në Ballkan nuk është garanci për ekonominë të lirë
[Recension: Maqedonia e para në Ballkan dhe e 47-ta në botë sipas lirive ekonomike]
A duhet të alivanosemi nga gëzimi që Republika e Maqedonisë është e para nga vendet e Ballkanit në Indeksin e lirive ekonomike për vitin 2016? Këtë e sugjeron artikulli dhe mënyra se si është shkruar artikulli që e recensojmë.
Në raste të këtilla, gjithmonë parashtrohen pyetjet: Pse na duhet e gjithë kjo? Me qëllim të përforcimit të vetëbesimit nacional ose me qëllim të manipulimit me gjendjen reale, faktike?
Për shkak se i trajtuar në këtë mënyrë nga media, ky fakt nuk përkon me realitetin. Mirëpo, le ta shohim se pse është kështu?
Linku deri te artikulli origjinal: Maqedonia e para në Ballkan dhe e 47-ta në botë sipas lirive ekonomike
Data dhe koha e publikimit: 01.02.2016, 11:54
Data e recensionit: 03.02.2016
Recensues: Zoran Bojarovski
PASQYRË GJYSMAKE
A mjafton fakti se Republika e Maqedonisë është në krye të listës së vendeve ballkanike për të thënë se vendi ka liri të mëdha ekonomike. Jo! Për shkak se vendi i parë në Ballkan nuk është asnjë lloj garancie, e që është edhe më me rëndësi, nuk e ofron pasqyrën e plotë për atë se si janë liritë reale ekonomike në vend.
Pasqyra e plotë thotë: Sipas indeksit të lirive ekonomike, Maqedonia është në kategorinë e vendeve me liri të matur. Detajet plotësuese dhe nuancimi i kësaj fotografie e bën transmetimin burimor të interpretimit të pozitës së Maqedonisë, e ky interpretim thotë se përmirësimet në legjislacion krijojnë klimë stabile për investitorët e vendit dhe të huaj. Janë vërejtur përmirësime sa i përket lirisë fiskale, lirisë tregtare dhe efikasitetit të rregullatorëve. Mirëpo, shqetësim paraqesin të drejtat pronësore dhe korrupsioni dhe thuhet se:
“Edhe pse korniza ligjore e Maqedonisë është e mirë, zbatimi i ligjeve është i dobët, dhe publiku është skeptik rreth gatishmërisë së qeverisë për t’i ndëshkuar funksionarët e korruptuar. Policia, gjykatat, arsimi i lartë dhe shëndetësia shihen si sektorë më të korruptuar. Edhe përkundër asaj se ka bazë ligjore për mbrojtjen e të drejtave pronësore, zbatimi është problematik…”
Këto janë vlerësimet që duhet të përfshihen në një interpretim real mediatik të këtij raporti. Aq më tepër, që të jemi realë deri në fund, raporti në pjesën e sundimit të së drejtës, ku vlerësimet për mbrojtjen nga korrupsioni dhe të drejtat pronësore është 35, gjegjësisht 44, që vendin e vë në mesin e vendeve jo të lira sa i përket këtyre dy çështjeve.
Ajo që duhet theksuar si pozitive është rritja në vitet e fundit, mirëpo kjo, është e qartë, akoma është larg nga përshtypja që e krijon përmbajtja mediatike që e recensojmë.
