Ministri shtetëror gjerman Mihael Rot të hënën për vizitë në Maqedoni
Ministri gjerman, kompetent për Evropën, në Ministrinë e Punëve të Jashtme të Gjermanisë, Mihael Rot më 1 dhe 2 shkurt do ta vizitojë Maqedoninë, njoftoi Ambasada gjermane në Shkup.
“Ai do të informohet për gjendjen e brendshme politike, si dhe për problematikën e krizës së refugjatëve. Parashikohen bisedime me përfaqësues të Qeverisë dhe opozitës, shoqërisë civile dhe organizatave joqeveritare, që janë aktive në fushën e të drejtave të njeriut, përkrahjen e refugjatëve, popullatën rome dhe komunitetin-LGTB në Maqedoni”, thuhet në njoftim.
Është parashikuar ministri shtetëror Rot të marrë pjesë edhe në debatin publik me studentë nga Universiteti “Shën Cirili dhe Metodij” në Shkup.