Kapet gjykatësi me 81 Euro ryshfet në Maqedoni

Policia ka ngritur kallëzim pelan kundër një gjykatësi të Gjykatës Themelore të Ohrit nën dyshimin se ka kryer veprën e dënueshme ‘’mitëmarje’’, njofton Telegrafi.

Sipas të dhënave policore, gjykatësi me inicialet R. S, 56 vjeç, si person zyrtar i punësuar në Gjykatën Themelore të Ohrit, ka kërkuar dhe ka pranuar para prej 5 mijë denarësh (81 Euro), me qëllim shfrytëzimin e pozitës së tij zyrtare për të sjellur një vendim gjyqësor në të mirë të një shoqërie tregtare.

Shuma e kërkuar nga gjykatësi ka qenë 15 mijë denarë (243 Euro), por i akuzuari nuk ka qenë në gjendje që ta paguaj këtë shifër, që më pas ta ulë shumën në 5 mijë denarë (81 Euro).

Ekipet e kriminalistikës kanë ndaluar gjykatësin me urdhër gjykate dhe nën praninë e avokatit, pasi i janë gjetur paratë me numër serik të regjistruar paraprakisht, ka ardhur deri te ngritja e kallëzimit penal ndaj tij.