Ndotja e ajrit, thithim grimcat PM-2.5 që janë më të rrezikshme se PM-10!!
Në ajrin e ndotur në vend, përveç grimcave të njohura si të rrezikshme PM10, qarkullojnë grimca edhe më të vogla dhe më të rrezikshme. Bëhet fjalë për grimacat PM 2.5. Sipas ekspertëve këto grimca janë shumë më të rrezikshme për shkak se në mënyrë direkte dhe shumë shpejt e sulmojnë sistemin e frymëmarrjes, njofton Alsat-M.
Këto grimca të vogla Ministria e Mjedisit jetësor i mat vetëm në dy komuna të vendit edhe atë në komunën Qendër dhe Karposh. PM 2.5 kanë formë aerodinamike dhe janë një produkt i djegies nga industria, qymyri dhe pluhuri i bartur nga era. Në rrezik të veçantë nga këto grimca janë gratë shtatzëna, të sëmurët kronik dhe fëmijët.
