Uashingtoni dhe Meksika negociojnë për ekstradimin e El Çapos në SHBA
Ministria amerikane e Drejtësisë filloi negociata me autoritetet meksikane për ekstradimin në SHBA të narkobosit meksikan, Hoakin Gusman – El Çapo.
Ekstradimi është shqyrtuar mbrëmë në takimin në Majami mes prokurores kryesore meksikane dhe përfaqësuesve të Ministrisë së Drejtësisë të SHBA-së.
Takimi është mbajtur pasi të premten e kaluar prokurorja kryesore në SHBA, Loreta Linç e përshëndeti arrestimin e Gusmanit. Bisedat në Majami janë takimi i parë mes përfaqësuesve amerikan dhe meksikan për atë çështje. Të dy palët paraprakisht bënë me dije se ekstradimi i Gusmanit mund të jetë për rreth një vit.
