Gjimnazi i Dibrës ndalon telefonat celular në orët e mësimit
Drejtoria e shkollës së mesme “28 Nëntori”, ka vendosur që nxënësit të kenë të drejtë që t’i mbajnë telefonat celularë në orën e mësimit.
Duke parë se kjo dukuri pengon zhvillimin e mësimit edukativo- arsimor, pjesa më e madhe e profesorëve të lëndëve, reagojnë tek drejtoria e shkollës që ky problem të evitohet sa më parë. Drejtori i shkollës së mesme, Qeram Lleshi, thotë: ”Drejtoria e shkollës së bashku me kolegjiumi, kanë marrë masat përkatëse për evitim të këtij problem akut. Jemi të vetëdijshëm se jetojmë në shekullin e internetit dhe modernizmit, por dëshirojmë që zhvillimi i mësimit të bëhet në mënyrë të duhur”.
“Ndalimi i celularëve në orë të mësimit nuk do të jetë ligj vetëm për nxënësit por edhe për mësimdhënësit e lëndëve” theksoi për Portalb, drejtori i shkollës së mesme “28 Nëntori” Qeram Lleshi. Sipas tij, ka edhe profesorë të lëndëve që përdorin ndonjëherë celularin , gjë që është shembull i keq për vetë nxënësit e kësaj shkolle.
Problemi i celularëve qëndron edhe në faktin se pjesa më e madhe e nxënësve e keqpërdorin për kopjim të testeve sidomos në lëndët shkencore, tha Lleshi.
Problemi i njëjtë paraqitet edhe në shkollat fillore të Dibrës, ku pjesa më e madhe e nxënësve përdorin celularët për hyrje në internet dhe kjo dëshmon se procesi mësimor dita ditës humb vlerën e dijes dhe arsimit.