Vazhdojnë dorëheqjet, UP në “kolaps”

Presionet dhe ndërhyrjet politike kanë bërë që institucioni më i lartë i dijës në Kosovë, Universiteti i Prishtinës “Hasan Prishtina” të zhytet në një krizë të thellë.

Pas dorëheqjes së rektorit dhe katër prorektorëve dje kanë dhënë dorëheqje edhe katër anëtarët e Këshillit Drejtues të UP-së, kryetari i KD, Muharrem Nitaj, nënkryetari Arben Fetoshi dhe anëtarët, Nezir Çoçaj e Elife Podvorica.

Këta katër anëtarë të KD-së ishin emëruar nga Ministri i Arsimit, Ramë Buja, ndërsa dorëheqjen e kanë cilësuar si reflektim për situatën e krijuar ditëve të fundit në Universitet.