Tërnava uron Gjergjin dhe katolikët për Kërshëndellat
Me rastin e festës së Kërshëndellave, myftiu i Kosovës Naim Tërnava sot ka uruar e përgëzuar ipeshkvin Dodë Gjergji dhe të gjithë besimtarët katolikë.
Në urimin e Myftiut Tërnava, thuhet:
“I nderuar Ipeshkëv Dodë Gjergji
Me rastin e Kërshëndellave, Juve, të gjithë meshtarëve dhe besimtarëve katolikë, kam nderin dhe respektin që t’ju përgëzoj me urimet më të sinqerta .
Kërshëndellat kanë për simbolikë lindjen, e cila te njerëzimi sjell mesazhin e lajmit të mirë që reflekton gëzimin, mirësinë e dashurinë.
Populli ynë gjithherë është solidarizuar me gëzimin e hidhërimin e vëllait; është kjo vlerë që e kultivuan paraardhësit tanë, të cilët na i lanë amanet urtësinë, respektin për tjetrin dhe mbi të gjitha vëllazërinë tonë.
I nderuar Ipeshkëv
Në këtë ditë feste, duke Ju uruar ngrohtësi e lumturi Juve dhe besimtarëve Tuaj edhe një herë, shpreh përkushtimin e Bashkësisë Islame të Kosovës për të kultivuar mirëkuptimin, paqen, dashurinë e vëllazërinë si vlera të pacenuara të popul li tonë”.