Spasovski: Mbyllja e kufijve të BE-së për refugjatët do ta destabilizonte Ballkanin

Ministri i brendshëm Oliver Spasovski alarmon destabilizimin e mundshëm të situatës në rajon në rast të mbylljes së kufijve të BE-së për refugjatët. Në situatë të tillë sipas Spasovkit vendet e Ballkanit Perëndimor do të shndërroheshin në qendra pritjeje ndërsa përshkallëzimi i situatës do të ishte i pashmangshëm, njoftn Alsat M.

“Na shqetëson skenari i mundshëm, për mbylljen e një pas njëshme të kufijve të shteteve të BE-së, pasi në situatë të tillë vendet e Ballkanit Perëndimor do të shndërroheshin në qendra për pritje. Një hap i tillë do të ishte plotësisht i papërgjegjshëm dhe do ta ndizte fitilin për destabilizimin e rajonit”, tha Oliver Spasovski, minister i brëndshëm.