Lypësi mashtrues nga Tirana kërkon lëmoshë në Ferizaj (VIDEO)
Kërkon lëmoshë në qendër të Ferizajt. Nuk është zullumqar e në qytet nuk e njohin për problematik.Por, nuk i don kamerat.
Madje, kur ekipi i Klan Kosovës insistoi për intervistë, ai kërcënoi.
Megjithatë, dikur u pajtua të flas. Tha se e quajnë Skender Hasani dhe vjen nga Tirana.
Thotë se kërkon lëmosh për bukën e gojës, transmeton Klan Kosova.
Qytetarëve u dhimbset dhe i japin para. Mirëpo, disa ferizajas e kanë kuptuar se ai nuk ka problem me këmbën siç shtiret.
Atë dikush e kishte xhiruar para 6 muajsh duke ecur pa u mbështetur në patericë.
Ky ferizajas tregon se kur ka biseduar me të ka marrë vesh edhe një detaj interesant.
Hasani nuk i ka në qejf kur dikush insiston të flas me të. Bile shfrytëzon taksin për tu larguar nga ata që ai i konsideron se po e bezdisin.