Bukur gënjejmë
Më gënjen dhe më sheh
Të gënjej dhe të shoh
Duke gënjyer njëri-tjetrin
Më sheh dhe të shoh në sy
Dhe bebzat e syrit nuk dridhen
Nga buzët nuk del shkum pështyme
Dhe fjalët aq rrjedhshëm thuren
Fjalët, ah fjalët tona të ndytme
Dhe zemra nuk dridhet
Qetësisht bukur gënjejmë
Dhe po tham ndonjë të vërtetë të imët
Lëre themi, se na shpëtoi një rrenë.
Poezi nga Naim Iljazi