BE – Brukseli: Nuk ekziston mundësia e përjashtimit të Greqisë nga Shengeni

Presidenca e Këshillit të BE-së përjashtoi sot hipotezën e një përjashtimi të Greqisë nga hapësira Shengen për shkak të vështirësive të saj përballë fluksit të migrantëve, në përfundim të një mbledhje të ministrave të Brendshëm në Bruksel.

“Zgjidhja ndaj krizës migratore kalon nëpërmjet një aplikimi më të shpejtë të planit të rivendosjes, që parashikon shpërndarjen e refugjatëve në BE”, insistoi ministri luksemburgas i Imigracionit, Jean Asselborn, vendi i të cilit ka presidencën e radhës së Këshillit.

“Nuk është juridikisht e mundur të përjashtohet një shtet nga zona Schengen”, tha Asselborn, duke aluduar për një skenar të një përjashtimi të mundshëm të Greqisë nga kjo zonë e qarkullimit të lirë.