Cilat janë vendet më internetin më të mirë në botë?

Nëse Interneti është shumë i rëndësishëm për ju, atëherë ju mbase duhet ta rishikoni mundësinë e vendbanimit.

Të paktën kështu thuhet sipas një raporti të ri nga Unioni Ndërkombëtar i Telekomunikacionit, i cili ka zbuluar vendet me lidhjet më të mira të internetit në botë.

Sipas studimit, i cili ka marrë për bazë shpejtësinë e internetit dhe përqindjen e njerëzve të cilët kanë qasje në një lidhje interneti, ne të gjithë duhet të shkojmë në Korenë e Jugut në qoftë se duam të jetë më mirë të lidhur me internet.

Koreja e Jugut është në krye të listës për herë të dytë rresht. Vendet e tjera të zhvilluara, megjithatë, nuk janë listuar edhe aq lart sikurse mund të prisni.

SHBA-ja për shembull është me numër 15 në listë, pas Britanisë së Madhe, Australisë dhe Japonisë.

Ndërkohë, Kina është në vendin 82, duke rënë pas Mauritanisë, Brazilit, dhe Republikës Dominikane.

Çfarë është interesante është se raporti nuk llogaritë vetëm shpejtësinë e internetit, i cili është padyshim një faktor i rëndësishëm kur bëhet fjalë për lidhje, por gjithashtu merr parasysh volumin e njerëzve me abonim në një lidhje interneti, dhe përqindjen e familjeve me një kompjuter.

Pas marrjes parasysh së këtyre faktorëve, hulumtuesit i dha çdo vendi një rezultat nga totali prej 10 pikëve, dhe Koreja e Jugut kryeson listën me 8.93 (një rritje nga 8.64 sa kishte në vitin 2010).

E dyta ishte Danimarka, me një rezultat prej 8.88, dhe Islanda, në 8.86.

Mbretëria e Bashkuar u rendit e katërta, duke mundur vende të tilla si Suedia dhe Holanda.

Kosova nuk duket të jetë pjesë e këtij raporti, por nëse do të ishte, prej 10 pikëve, sa pikë do t’ia kishit dhënë vendit tonë në total?